ليه يازمن الفصل47
انت في الصفحة 1 من 4 صفحات
الفصل 47
ليه يازمن
الدكتور إعمل التحاليل دي علشان نشوف الأسباب.
المعلم هبقى كويس يا دكتور دا انا على ذمتي 3 نسوان بعيد عنك.
الدكتور بس يا معلم الفحوصات الأولية بتقول إنك في بدايه عجز ج ن.سي.
المعلم يعني إيه يا دكتور والنبي بالراحه عليا علشان أفهم.
الدكتور العجز الج ن.سي يعني ولا مؤاخذه مش هتقدر تمارس حياتك مع النسوان اللي على ذمتك.
الدكتور إهدا يا معلم إحنا لسه ما تأكدناش ده مجرد تخمين على اللي حكيته . هديك منشطات و مقويات تاخذها بانتظام. وضروري تعمل التحاليل دي و تجيلي الأسبوع الجاي و الأفضل الفتره دي ماتقربش من أي وحده علشان نفسيتك.
رن الجرس فتحت له الباب.
زهره خير يا سعد مفاتيحك فين
سعد إلحقيني يا زهره.
زهره مالك فيك إيه أدخل كده.
دخلته لحد أوضه النوم وقلعته الجزمه .
المعلم ربنا يباركلي فيكي يا زهره.
زهره ربنا يخليك. احكيلي فيك إيه حد منهم كلمك
المعلم ياريت أنا في مص يبه ثانيه .
زهره يا ساتر يارب! خير
زهره إزاي مش فاهمه
المعلم حكى ليها كل حاجه.
زهره يا سعد هو قالك شاكك مش متأكد. وبعدين الموضوع علاقته إيه بإنك مش راجل إنت معلم كبير و الكل عامل ليك ألف حساب.
المعلم إنت صغيره يا زهره و مش هتفهمي. الرجوله هي الموضوع ده.
أعمل إيه أنا مع نوال ونانسي أنا كده كده بالعافيه بقرب منك. إوعي تكوني فاكره إني مش فاهمك ولا عارفك أنا سايبك على راحتك عارفه ليه لأني بحبك يا زهره.
زهره ربك كريم يا سعد. أقوم أحضرلك العشا
المعلم نفسي مسدوده أستري عليا يا زهره.
زهره أستر إنت على نفسك من ناحيتي أنا ليك الأمان. و نصيحه مني سافر يا معلم غير جو وابعد من التوتر و إوعى تفتح الموضوع ده مع نوال لا احسن مصر كلها تعرف .
زهره شفت أهو انت قلت إنك كنت تعبان فماتكبرش الموضوع .
المعلم أنا لازم أبعد بس هاخذك معايا إيه رأيك نروح شرم الشيخ
زهره فرحت...
زهره بجد يا سعد
المعلم أيوه بكره نتكل على الله .
زهره مش هقدر وداد على وش ولاده وانت عارف مشاكلها مع حماتها و هي مالهاش غيري
