ملكت قلبي الفصل 13 بقلم ايمان احمد

انت ملكش الحق انك تدافع عن مليكة لان مليكة حبيبتي 
بصت سيلا پصدمة وكذلك الجميع 
ابتسم فهد ببرود ومسك ايد مليكة وقال وهو بيبص فى عيون مليكة
لا انت غلطان مليكة تبقى حبيبتى انا... انا ومليكة بنحب بعض
بصتله مليكة بدهشة اما بالنسبة لآسر فكانت الصدمة الاكبر من نصيبه 
آسر بعدم تصديق انت بتكدب مليكة مستحيل تكون بتحبك.... مليكة بتحبنى انا وبس اتكلمى يامليكة ساكته ليه! قولى للكل انك لسة بتحبينى

كانت مليكة فى موقف صعب جدا وبتوزع نظراتها مابين فهد وآسر الل كل واحد فيهم مستنى تأكد على كلامه
قرب آسر بغيرة وحاول يبعد ايد فهد عن ايد مليكة لكن فهد كان ماسك ايدها بقوة وبيبص لمليكة بتوهان حتى مليكة كانت بتبادلوا النظرات وبعد لحظات من صمتهم اتكلمت مليكة اخيرا 
ايوا ياآسر انا وفهد بنحب بعض 
آسر بۏجع مليكة انتى بتقولى ايه.. 
مليكة بحدة زى ماسمعت ياآسر وكفاية بئا الل انت بتعمله ده لانى مليت منك ومن عمايلك وانا بقولهالك قدام الكل ياآسر انى بحب فهد وانت بالنسبالى ولا حاجة انت عندك خطيبتك سيلا الل سبتنى قبل كدة عشانها خلاص خليك معاها ملكش دعوة بيا تانى 
كملت كلامها بانفعال 
بتعمل كل ده ليه عايز توصل لايه اتكلم ياآسر مش كنت قبل كدة فى نظرك البنت العبيطة الل انت وصحابك بتتريقوا عليها وتستغلوها ويلعبوا بمشاعرها..... 
تقدر تقولى حبتنى امتى ياآسر 
كملت بۏجع حبتنى اما شخصيتى اتغيرت وطريقة لبسى واسلوبى... عارف ليه! لان كل الل يهمك المظاهر وبس 
.. كل بنت تتسلى بيها يومين ولما تلاقى الاحلى منها تروحلها 
بصت لسيلا بااحتقار وقالت
تعرفى ياسيلا رغم كل الل بتعمليه معايا الا انك صعبانة اوى عليا انك بتحبى واحد زى آسر بس بصراحه انتو مناسبين اوى لبعض
كل كلمة كانت مليكة بتقولها كانت بتدب ح آسر من جواه اما سيلا فكانت دموعها نازلة وبتبص لمليكة بنظرات كلها شړ
آسر بۏجع كبير للدرجادى يامليكة شايفانى انى حقېر وحيوان... كل ده ليه عشان حبيتك
مليكة بدموع بس انت عمرك ماحبتنى ياآسر الل بيحب عمره مابيأذى ويهين الل بيحبه بالطريقة الل انت عملتها
آسر باصرار بس انا مش هستسلم يامليكة غير اما تكو... 
قاطع كلامه صفعه قوية على وجهه وكانت الصدمة الاكبر مش بالنسبة لآسر بس انما للكل لان الل ضړب آسر الكف ده كانت سيلا 
سيلا پجنون وهيا بټضرب فيه بكل قوتها انت ايه ياأخى مبتحسش! قالتلك مليون مرة مش عايزاك 
انت ازاى تبقى خاطبنى ورايح تحب واحدة تانية... انطقققق
فهد ببرود يلا ببنا يامليكة اظن الرسالة وصلت للكل
وخد مليكة ومشى من قدامهم
اما آسر فمسك ايد سيلا 
آسر بعصبية خلااااااااص ياسيلاااا كفااااااية
تارا شوفت وصلت البنت لايه ياآسر انت السبب
شهاب ماتخليكى محضر خير ياتارا فهد ومليكة وقعوكم كلكم فى بعض بعد ماكنتم اعز صحاب لا انت الل محضر خير 
جه مالك عليهم
مالك بقلق ايه الل بيحصل هنا
فى الكافتريا
كانت مليكة وفهد قاعدين مع بعض 
مليكة بفرحة شكرا يافهد انك ساعدتنى النهارده لو انت مجتش انا مش عارفة كنت هتصرف ازاى.... بجد مش عارفة اشكرك ازاى.... بس فى حاجة 
فهد بهدوء ايه 
مليكة بتفكير انت ليه كدبت قدام الكل وقولت اننا بنحب بعض بص انا عارفة انك عملت كدة عشان اتخلص من آسر بس كان ممكن تساعدنى بطريقة تانية من غير مانكدب 
فهد بااستغراب نكدب! 
مليكة بزعل ايوا الل عملناه ده غلط مش عارفة ازاى طاوعتك بس انا حبيت انهى موضوع آسر عشان يفقد الامل انى ممكن ارجعله ودى كانت الطريقة الوحيدة
فهد بهدوء مليكة انا مكنتش