ملكت قلبي الفصل 21

عن الاول حبك غيرنى وخلانى انسان تانى بعد ماكنت انسان تافه لمياء صدقينى انتى اغلى شخص فى حياتى ياحبيبتى
لمياء بحب تعرف يامالك كل الظروف الل مريت بيها خلتنى اتأكد انك انت الوحيد الل حبيته انا ضايقتك كتير بسبب آسر بس صدقنى اما بعدت عنك كنت بټعذب اكتر منك بكتير الحمد لله ان ربنا جمعنا تانى 
باس مالك ايدها بعمق وقال بعشق
انا مش هخليكى تبعدى عنى تانى
بعد دقايق كانت بدأت المحاضرة 
قعدت مليكة ولمياء جمب بعض ووراهم مالك ومعتز
تارا بهمس شايف ياآسر رجعوا اتجمعوا تانى ازاى
آسر بتجاهل تارا ركزى فى المحاضرة انا مش فايقلك خالص
تارا ده انت حتى مفروض تبقى مبسوط ان مليكة طلعت مش مخطوبة لمالك
آسر بتأفف وايه الجديد! مانا كنت متأكد اصلا انهم مش مرتبطين 
شهاب اومال مالك مضايق ليه... لتكون سيلا وحشتك
آسر بشرود حاسس بالذنب اوى
لاحظت مليكة ان ريهام موجودة معاهم فى نفس المدرج فقالت للدكتور
لو سمحت يادكتور
وقف الدكتور عن الشرح وقال
اتفضلى 
مليكة فى طالبة من قسم تانى حاضرة معانا المحاضرة
الدكتور بحدة فين دى 
شاورت مليكة على ريهام الل كانت شاردة لكن اول ماشافت عيون الكل عليها بصت بتوتر
الدكتور بحدة اتفضلى قومى 
قامت ريهام بتوتر وبصت لمليكة پغضب
ريهام بتبرير بعتذر لحضر.. 
الدكتور پغضب اتفضلى اطلعى برة انا طردتك لان من الزوق قبل ماتحضرى محاضرة دكتور مش من قسمك تستأذنى الاول 
طلعت ريهام وهيا بتبص على مليكة پغضب بادلتها مليكة النظرات بفرحة انتصار اما فهد فمكنش مهتم اساسا بالل بيحصل
وقبل مامليكة تقعد كان الدكتور قالها
وانتى اتفضلى اطلعى برة عشان تتعلمى انك متفتنيش على اى حد تانى
بصت مليكة پصدمة
الدكتور يلا لو سمحتى عشان وقت المحاضرة 
خرجت مليكة بااحراج وهيا بتبص على فهد الل بصلها ببرود اما زمايلها فضحكوا بصوت واطى 
اول مامليكة خرجت فتحت تليفونها شافت رسالة وكان نصها بيقول 
مليكة لازم اشوفك ضرورى جدااا انا عارفة انك مش بتوثقى فيا بس صدقينى المرة دى مهم اشوفك وكمان هعرفك حقيقة فهد الل انتى متعرفهاش لحد دلوقتي اتمنى توثقى فيا ولو لمرة واحدة انا هستناكى عند...... 

استغربت مليكة جدا وده لانها كانت عارفة ان سيلا بتتعالج فى المصحه واترددت كمان انها تروح تشوفها ولا لا خصوصا ان سيلا حاولت ټقتل مليكة قبل كدة فمن المستحيل ان مليكة توثق فيها
بعد شوية كانت المحاضرة خلصت 
اول مامليكة شافت فهد خارج راحتله
مليكة فهد انا كنت عايزة اقولك حاجه 
فهد ببرود سامعك 
مليكة بتردد بصراحة فى رسالة جتلى من.. من
فهد بااستغراب اتكلمى يامليكة رسالة ايه انا سامعك
مليكة من س.. 
قاطع كلامها قدوم ريهام 
ريهام بدلع فهد عايزاك تيجى تختار معايا فستان الفرح 
فهد بحدة ريهام روحى دلوقتي 
ريهام بااستفزاز وهيا بتبص لمليكة ومين فينا الل مفروض يروح
مليكة بحزن ودموع متجمعه فى عيونها
معاكى حق انا الل هروح
وبالفعل مشيت مليكة وقررت انها تروح على