ليه يازمن الفصل59
حاجه. شقاوة ابوك راحت لحالها.
علي يعني إيه
المعلم يعني على ذمتي بالإسم. بس ما تخافش مش هييجي وريث يشاركك في رزقك لو ده خۏفك.
علي فهم أبوه بيلمح لإيه.
علي وإيه اللي مصبر اللي معاك.
المعلم والله يابني خيرتها أكثر من مره إني أطلقها بس رفضت لأنها بنت أصول وشايلاني شيل وما حدش يكشف عليا غيرها. وحده مكانها كانت رمتني لممرضه ونزلت تشوف مستقبلها.
علي ماهي شايفه مستقبلها مع طارق.
المعلم عيب عليك يا علي دي مراتي وما اسمحلكش تتكلم عليها نص كلمه. وزهره أشرف من الشرف و طارق ده راجل و فاهم في الأصول ولو على إنها راحت معاه كذا مره الملاهي فمش لوحدها معاها أختها وامه وبنته. وكل ده علشان خاطر بنته.
قصر يابني قولي جاي ليه
علي عايزك تعمل لي توكيل عام لكل أملاك وانت ريح نفسك وانا هشيل كل حاجه.
علي سيبك من كريم دلوقتي حله سهل هاخذه بالقوه ومش هيطلع إلا لما يقول إن الله حق.
أنا عايزك تديني الحق أتصرف في كل حاجه.
المعلم تتصرف في كل حاجه وانا لسه عايش على وش الدنيا ولا هاتحجر عليا زي ما أخوك عايز يعمل
المعلم قول كده بقى هما باعتينك علشان مصلحتهم لما ماعرفوش ياخذوا اللي هما عاوزينه مني دخلوا عليك ما انت بقيت الصبي بتاعهم. باقولك إيه يا علي إتكل على الله لما أموت ابقى تعالا اعمل ما بدالك. ده لو لقيت حاجه.
علي يعني إيه لو لاقيت حاجه ده انت شكلك كتبت كل حاجه لزهره وخليتنا على الحديده.
علي أنا جاي وعايز مصلحتك ومصلحه الجميع. إكتب ليا وكاله عامه وماتخافش مش هاخذ حق زهره ولا اجي ناحيتها خالص.
المعلم ولا هتقدر تجي ناحيتها أصلا. زهره في حمايتي وفي حماية طارق. الحمد لله ربنا بيحبها إنها ما اتجوزتكش. مش هنكر اني ضحكت عليها واتجوزتها وهي ماتعرفش مين العريس بس ربنا ليه حكمته أهي وقفت معايا. لو كانت اتجوزتك كنت دخلتها في المتاهه بتاعتك. إطلع بره ومافيش حاجه ليك عندي.
المعلم علشان مش راجل. يلا غور من وشي.
هنا كانت زهره واقفه و سامعه كل حاجه بعد ما محمد اتصل عليها وقال لها على خناقة كريم وإن علي كمان جا المحل.
زهره إنت سمعت أبوك قالك اطلع بره.
علي هي بقت كده ماشي هتندم يا معلم.
المعلم إلحقيني يا زهره.
زهره اهدا هتصل بالسواق ييجي ياخذها للمستشفى.
المعلم لا مش عايز مستشفى. شوفي تحت الكرسي دي نقط الدكتور اداهم ليا لو حصل حاجه.
زهره إستنى. آه أهي.
المعلم هي دي الازازه أنا اخذت منها المره اللي فاتت.
زهره مسكت الإزازه وفضلت تبص عليها.
زهره هو الدكتور غير لك الدوا
المعلم لأ بس أنا شيلت الكرتونه بتاعتها بسرعه يا زهره حطي 10 نقاط في كبايه مياه.
زهره عملت ده و اداته الكبايه يشربها.
المعلم الحمد لله.
زهره باقولك
