ظلم الأيام
يا حسام اللي تاخده من امك !.....ده انت المفروض تأخد حق امك من مراتك الحړبايه !!!
هنا نهى بتنزل دمعتين
حسام حق امي ايه اللي اخده من مراتي !.....لو كانت مراتي غلطت في امي كنت اخدت حقها بس امي غلطت في مراتي وده مش من النهارده ده من سنين لما كنا انا ونهى لسه عايشين مع ماما وبسبب المشاكل عزلت انا ومراتي في شقه لوحدينا بس شكله امي برضو مش هتبطل
نهى پخوف وتوتر قصدك ايه يا احمد قصدك اني كدابه وبفتري على خالتو !
احمد وبيبعد نظره عنها كلامي معاك يا حسام مليش كلام مع الستات !!!
حسام اللي حصل أن امي النهاده اتكلمت على نهى مع امك و هناء وافترت عليها وفضحتها
ام احمد وهناء ابدا محصلش كلام زى ده احنا طلعنا لقيناها بتنضف وتعبانه وسألناها .....وحكوا اللي حصل
ام احمد ابدا نهى ما نضفتش ولا حاجه احنا لقيناها هي بتنضف والسلم كان ۏسخان اوي ومليان غبره بالنهاية هناء لما لقيت امك تعبانه نضفت
واحده من الجارات ايوه صح انا لما نزلت لقيت ام حسام هي اللي بتنضف ومشفتش نهى خالص وصعبت عليا ولو أن ابويا كان مريض في
جاره تانيه ايوه صح انا على طول بشوف أم حسام هي اللي بتنضف عمري ما شوفت نهى بتنضف حتى لما كنت بزور نهى بلاقي ام حسام بتنضف لنهى شقتها
حسام لما لقي الكل ضد نهى الكلام ده صح يا نهى !
نهى بتوتر ودموع كدب يا حسام كلهم متفقين معاها ضدي
حسام وانا مصدقك يا نهى خلاص احنا تاني ملناش علاقة بأمي نهائي ولا امي تيجي عندك يا نهى ولا انتي تزوريها !!!....وبيجي يدخل الشقه
والجيران باييدوه
الجيران تطلع دلوقتي من الشقه احنا ميشرفناش واحد زيك معانا
ام حسام بحزن لا يا جماعة كتر الله خيركم كفايه أنه قطع علاقته بيا
احمد بس يا خالتو حقك انتي زي امي
ام حسام بالنهاية ده ابني مقدرش اعمل فيه كده
وبتدخل والجيران بيروحوا وهما زعلانين عليها
وبيسيبه وبينزل
تاني يوم
ام حسام كانت واقفة قدام الباب مستنيه حسام لما يكون طالع للشغل عشان تتكلم معاه وتصالحوا بالنهاية ابنها
حسام بيطلع ومعاه نهى بيلاقي أمه واقفه يا دي النيله مش حسمت انا الموضوع!
ام حسام بدموع انت ابني يا حسام مقدرش ابقى بعيده عنك واشوف الكره ده بعيونك ليا
حسام
نهى انزلي انتي والولاد استنيني
