اسكريبت بلا هدف رحمه علاء

_اوعك توافقى على العريس ده انتى بكرة يجيلك احسن منه
_خالتى قطفى ملوخيه فى هدوء ياخالتى بالله عليكى دا الكام ال عوزانى ارفضه عشان انا سندريلا وهما جرابيع
_لا مابعدش هو انتى جالك قليل
_اه قليل عادى
_دا مهندس زراعى
_اى العيب فى كدا دا مهندس
_زراعى
_فلاح يعنى شغال مع الجاموسه فى الغيط
_ماتدخلنيش فى تفاصيل
بطلت تقطيف وبصيت لها
_هو مش فلاح احنا الجهلا قطفى ملوخيه
_انا هقطف لسانك
قطفت ورق الملوخيه وكملت
_ انتى بس ال قاعده تنفخى فيا بكلامك المتكبر والرقاق المليان بصل ده
سابت الملوخيه اللى فى ايدها بإندهاش شديد
_انا كلامى متكبر ورقاقى مليان بصل !

_عندك قوة رهيبه فى اقناعى برفض العريس عشان مسح بالمنديل وحطو على الصنيه جمب الكوبيات الفاضيه ماسألش فين الزباله
_يعنى دا مش سبب كافى بالنسبالك
_لا
_لأنك معفنه زيه
مسكت الملوخيه وانا بديهلها فى ايدها
_هدى نفسك بس وقطفى ملوخيه عشان نخلص قبل ماعريسى يجى
_انتى برضو هتوافقى
_سمى الله بس وامسكى الملوخيه
_مش مسكاها انا قايمه اشوف اللحمه
_قومى اعملى اى حاجه غير انك تنفخى فيا
_انتى لسه مستقليه بنفسك
_ابتدينا نفخ
شالت غطا الحله وهى بتشم ريحة اكلها
_اصلك ماتعرفيش جالك قد اى وانتى صغيره
_ماتنسيش تحطى ملح على صنية البطاطس
_ماحدش شافك الا واتعلق بيكى
بصيت قدامى على كمية الملوخيه
_انا مش هقطف كل دى لوحدى تعالى ساعدينى
_ياسين ابن عمك
_ياسين !
_كان بيحب يجى عندنا مع امه ويفوت درس العربى عشانك
_عشانى انا
_عشان تصدقينى
_لا مش مصدقه
قعدت قدامى ومسكت الملوخيه
_دا اقل مثال
_ياسين اقل مثال !
_اقلهم
_للدرجادى
_معتز جارنا ده عرفاه
_لا ماتقوليش
_ماكنش يسكت كدا ويبطل عياط الا لما يلاقيكى قاعده قدامه
_معتز بيعيط مشاعرة فياضه مايبانش عليه خالص
_كتوم
_صلب
_عشان تصدقينى
_اى الكلام ده ياخالتى
_قرايبنا كان كل ماحد يشوفك منهم يقول دى بقى عروسة ابنى والتانيه ترد عليها تقولها لا دى عروسة ابنى انا حضرة الظابط
_بيحجزونى يعنى
_اه يعنى
قومت من مكانى و وقفت جمبها 
_هاتى عنك انا هطبخ كله ماتتعبيش نفسك انتى
_خدى شكلك عرفتى قيمة نفسك
_عرفتها ياست الكل اقولك احنا نطفى على الاكل كدا كدا هرفض المهندس الزراعى هو انا مجنونه اتجوز مزارع
_جدعه امشى ورا خالتك تكسبى
_فى ضهرك ياخالتى لازقه فيكى 
شديت كرسى من جمب الطرابيزه وقعدت جمبها
_طب ولما فى