ملكت قلبي الفصل 12
انت في الصفحة 2 من صفحتين
كدة
فهد باابتسامة_ ولا حاجة ياماما
والدته بمرح_ يعنى مش ناوى تقولى مين الل خطفت قلبك ياحبيبى
فهد بهدوء_ لا ياماما مفيش حد انتى عارفة انى مش بفكر فى الحب
والدته بحنية_ انا اكتر واحدة فى الدنيا يابنى بتفهمك ومتأكدة ان فى واحدة ملكت قلب ابنى حبيب قلبى
ابتسم فهد وهو بيفتكر مليكة وقال بهدوء
حتى ياماما لو كنت بحبها مش هتفرق
فهد بتنهيدة_ لان قلبها مع حد غيرى.... اهم حاجة بالنسبالى سعادتها انا مش عايز افرض نفسى عليها
والدته بزعل_ طب مايمكن يابنى متكونش بتحبه وانت الل فاهم غلط بلاش تخسر حبك عشان اوهام فى دماغك
باس فهد راس امه بحنية وقال
معاكى حق ياماما
بعدها تليفونه رن فرد
فهد بسرعة_ تمام انا جاى حالا ربع الساعة بالكتير واكون عندك
ماما انا همشى دلوقتي خلى بالك من نفسك
رفعت والدة فهد ايدها وفضلت تدعيله ان ربنا يوفقه ويفرح قلبه
تانى يوم
فى الجامعه
حضرت مليكة محاضراتها بس مكنش فهد موجود فحست مليكة بالملل وكانت مضايقة انها مشافتش فهد
وهيا خارجة من المدرج سيلا زقتها بتعمد فكانت مليكة هتقع بس آسر مسك ايدها
شدت مليكة ايدها من ايد آسر وقالت بحدة
اياك تفكر تمسك ايدى تانى.... وانتى شكل الكف الل خدتيه المرة الل فاتت مكانش كافى محتاجة كمان واحد
سيلا پحقد_ انا هندمك على الكف ده يامليكة
سابتها مليكة ومشيت
كانت مليكة شاردة وهيا حاسة بالضياع وخاېفة على اختها مش عارفة اذا كان مفروض تدعمها ولا قاسم هيكون زى اخوه آسر لحد ماقطع افكارها اما شافت البنات وهما بيبصولها ويضحكوا
بنت منهم بسخرية
مش دى انتى يامليكة الل فى الفيديو ده
بصت مليكة على الفيديو و دموعها نزلت
مليكة بدموع_ جبتوا الفيديو ده منين
قرب آسر وسيلا ومعاهم تارا وكانوا كلهم بيبصوا پشماتة
ففهمت مليكة اما شافتهم ان دى لعبة منهم عشان يهينوها
سيلا بسخرية
مكنش فى داعى تمثلى انك بنت ناس محترمة وانتى بتشتغلى خدامة فى بيت آسر
وضحكوا كلهم
حس آسر بالضيق وكان هيدافع عن مليكة بس سيلا مسكت ايده
فى الوقت ده كان فهد جه وشاف وسمع وهما عاملين يتنمروا على مليكة ويهينوا فيها فقرب فهد واول مالكل شافه بنظرته وهيئته خافوا وبلعوا ريقهم
بصوا لبعضهم پخوف ومحدش اتجرأ يتكلم
قرب فهد من مليكة الل كانت دموعها نازلة وخد منها التليفون شاف الفيديو والل كان بيظهر فيه ومليكة بتقدم الاكل
ابتسم آسر بمكر وقال فى عقله
كدة فهد هيبعد عن مليكة اما يشوف الفيديو ويعرف انها مش
مناسبة ليه وبالطريقة دى هرجع مليكة حبيبتى ليا
رمى فهد التليفون بقوة فجت صاحبة التليفون تجرى وهيا بتميل على الارض تاخده پصدمة
فهد بتحذير_ ده عشان انتى ضايقتى مليكة.... اسمعونى كلكم الل هيكلم مليكة بعد كدة او يفكر يضايقها كأنه ضايقنى وانا الل يضايقنى هيزعل جامد واظن انكم عارفين ده كويس
وبص لشهاب بنظرات قاټلة فبلع شهاب ريقه پخوف
اما آسر فقال بغيرة
انت ملكش الحق انك تدافع عن مليكة لان مليكة حبيبتي
بصت سيلا پصدمة وكذلك الجميع
ابتسم فهد ببرود ومسك ايد مليكة وقال وهو بيبص فى عيون مليكة
لا انت غلطان مليكة تبقى....
ملكت_قلبى
باسمى_ايمان_احمد
