ليه يازمن الفصل57
انت في الصفحة 1 من 5 صفحات
الفصل 57
ليه يازمن
حصلت بلبله في المستشفى...
زهره لما دخلت لقت المعلم واقع على الأرض وكل الاجهزه متشاله من الخضه أغمى عليها .
الدكتور حاول يفوقها..
الدكتور مدام زهره إنت كويسه
زهره جوزي حصله حاجه
الدكتور أنقذناه في آخر لحظه هو في العنايه و رجعنا له الأجهزه هنصبر 24 ساعه ونشوف ايه اللي هيحصل
الدكتور يا مدام إنت لسه تعبانه .
زهره جوزي في خ طر وماينفعش أسيبه لوحده .
الدكتور خ طر إيه يا مدام شكل جوز حضرتك حاول يقوم و وقع .
زهره إنت بتحاول تداري على اللي حصل . جوزي في حد حاول ېقتله وانت تقولي وقع لوحده . وبعدين أنا سبت معاه ممرضه إختفت فين إوعى كده خليني اقوم .
راحت زهره أوضه المعلم وشافته كله اجهزه .
طارق ليه إتصلتي دلوقتي ما اتصلتيش ليه لما حصل الموضوع
زهره كان الوقت متأخر وانت امبارح طول اليوم معايا .
طارق قلتلك اتصلي في أي وقت هارد عليكي .
زهره كانوا عايزين يخلصوا عليه .
طارق إهدي كده واشرحيلي اللي حصل .
زهره نزلت أصلي الفجر في المسجد و قلت للممرضه تفضل معاه . صليت و طلعت لقيته مرمي على الأرض وكل الأجهزه متشاله . أنا ما حستش بنفسي أغمى عليا . صحيت وجيتله على طول وهو من ساعتها نايم .
طارق و الممرضه فين
زهره إختفت قال إيه خلصت ورديتها .
طارق الدكتور قالك إيه على حالته
زهرة قال لازم نستنى 24 ساعه
طارق الموضوع بقى يخوف شكلهم عايزين يخلصوا منه .
زهره يا مصېبتي السوده!! أكيد هيخلصوا مني أنا كمان .
طارق ماأظنش لأنهم مايعرفوش إنك عارفه حاجه . واعملي نفسك مش فاهمه ولا عارفه ونستنا لما يصحى هيقول إيه إنت حضري نفسك لأي ص دمه .
طارق يعني توقعي في أي لحظه إن المعلم لا قدر الله... شكله فيه حاجه لأنهم خلصوا على سماح بنته .
زهره ربنا يستر طيب بعد اللي حصل ما عنديش ثقه في المستشفى دى .
طارق طيب أنا شايف إننا نبلغ علي بالحصل علشان يعرف يحمي أبوه .
زهره أوف مش طايقه اشوفه . وبعدين لو كان أبوه بيهمه كان عرف إننا نقلناه مستشفى تانية .
زهره كلمه انت عايزه اطمن على وداد اختي .
طارق هتصل بالممرضه .
في شقه رحمه....
الحزن لسه مسيطر عليهم.
فكريه قومي يا سميره حضري الفطار .
سميره مين ليه نفس يا عمتي ياكل
فكريه قومي بقى أكلي ولادك و حضري فطور لنوال و لامك .
سميره نوال عامله إيه
فكريه ربنا يصبرها دمعتها ما نشفتش من على خدها . بس اللي مش عاجباني هي امك مسهمه
