قصه مشوقه

بتاعي لحد ما لقيت بابا و ماما جايين ورا بعض.. 
ليلي اي مالكوا! 
محمود كنا عاوزين نقولك حاجه.. 
ليلي قولوا.. في حاجه ولا اي! 
عزة فاكرة في فرح اختك من اربع شهور ام أحمد اللي جت سلمت عليكي.. 
ليلي ااااه.. امم مالها
ام احمد ي ماما.. 
عزة ابنها طالبك للجواز.. 
ليلي مين احمد! 
عزة هيكون مين يعني! 
ليلي اه.. طيب ابنها طالبني اعمل اي.. عاوز اي يعني.. 
محمود ي بت بطلي اللماضة.. ارد ع الراجل اقوله اي! 
ليلي بهدوء قوله يجي ي بابا و اللي فيه الخير يقدمه ربنا.. 

عزة بفرحه بجد.. 
ليلي علفكرا انا موافقتش.. لسه بدري ع الموافقه.. 
عزة المهم ان المبدأ موجود. 
ليلي حاسه اني قاعده علي قلبك ي عزة.. 
عزة اه الصراحه زهقت منك.. مبتعمليش معايا حاجه و مقضياها اكل طول النهار.. 
ليلي انا بتهان في بيتك ي حاج.. 
محمود بضحك الله ي عزة لو متدلعتش في بيت ابوها يعني هتدلع فين! 
عزة پغضب عند الست ندي.. كنتي بتعملي اي هناك ي بت.. 
ليلي كانت تعبانه و ملقتش حد غيري تتصل بيه اسيبها.. 
عزة لا الف سلامه ي حنينه.. 
ليلي اسكتي ي ماما دي خسړت الجنين.. 
عزة بجد.. لا حول ولا قوة الا بالله.. مكنتش اعرف.. 
ليلي زعلانه عليها والله ي ماما برغم اني لا بحبها ولا مالك بس زعلت عليهم.. 
عزة مهو من اللي عملوه فيكي.. 
ليلي لا ي ماما.. اوعي تكوني شمتانه فيهم.. ربنا يرزقهم بالذرية الصالحه دي حاجه صعبه ي ماما... 
عزة عارفه ي بنتي.. ربنا يكملك بعقلك و توافقي ع العريس ي رب.. 
ليلي شوف بردو.. طب اي رايك بقي علي قلبك.. 
عزة م انتي كدا كدا علي قلبي لحد ما اموت يعني بعد ما تتجوزي ما انا هفضل شايله همك.. 
ليلي بعد الشړ عليكي ي ماما...
حاسه ان أهلي شايلين فوق طاقتهم و خايفين عليا ب زيادة.. خايفين اني ارفض فكرة الزواج بسبب تجربتي.. بس لا أنا عاوزة اعيش حياة مستقرة ويكون ليا بيت و اطفال و زوج محب..
بس الوقت.. حسيت اني محتاجه وقت لنفسي ارتاح فيه...اخد هدنه و لما حسيت ان حد مناسب اتقدم قولت اي المانع... 
انا عارفه أحمد دا انه شاب كويس و عيلته محترمه.. صحيح معرفش عنه كتير وعشان كدا مقولتش موافقه ولو حتي مبدأيه.. لان قراري لازم يكون سليم.. 
يوم الرؤية الشرعية كان جاي ومعاه اخته و والدته و عمه... 
والدته انتي بتشتغلي اي ي ليلي! 
ليلي مصممه في شركه دعايا.. 
أخته الله ديزاينر.. 
ليلي ب ابتسامه اه.. 
أحمد هي عاوزة تبقي مصممه و انا بصراحه بشجعها انها تدخل الحاجه اللي حباها.. 
والدته بس دي جايبة مجموع طب.. 
أحمد اي المشكله ي ماما هي تدرس اللي حباه.. 
والدته طيب.. خلاص مش وقته.. 
عزة طيب نسيبكم تتكلموا.. 
قعدت معاه لوحدي و كنت متوترة مع اني حاسه اني اخر فترة شخصيتي كانت شديدة مش حساسة زي الاول... 
أحمد متوترة! 
ليلي لا.. لا انا تمام.. 
أحمد علفكرا أنا كنت خاطب من فترة او كنت كاتب كتابي عليها بس توفاها الله.. 
ليلي ربنا يرحمها.. من قد اي! 
أحمد يعني من خمس سنين كدا.. 
ليلي أنت عندك كام سنه.. 
أحمد 32.. 
ليلي أنا 26.. 
أحمد طيب كلميني عن نفسك.. 
ليلي انا.. يعني انا معنديش حاجه اقولها اوي.. اهم حاجه طبعا اني كنت متجوزة و اتطلقت.. كان ابن عمي ف هتشوفه كتير لو حصل نصيب... 
و انا اشتغلت بعد طلاقي و حابه اكمل في الشغل بتاعي... 
أحمد علفكرا بحس شغلك ممتع.. برغم انه متعب شوية.. 
ليلي اه.. اغلب الناس فاكره شغل الديزاين تسليه وقت.. 
أحمد معتقدش.. بيبقي عاوز شغل و تفكير و فن كمان.. 
ليلي أيوا.. 
أحمد أختي عاوزه تدخل كليتك اوي
بس ماما مش راضيه.. انا موافق بس يعني هو قرارها و بصراحه براقب من بعيد اشوفها هتصمم عليه ولا لا.. 
ليلي لو صممت!! 
أحمد هتطمن عليها أنها تكون قوية في شخصيتها بس طبعا من غير ما تضايق ماما
يعني تحاول تقنعها.. اااممم قوليلي بتحبي الخروج و السفر و كدا... 
ليلي بحب البيت اكتر بصراحه بفرهد بسرعه بس في نفس الوقت اما بخرج بحب اقضي وقت حلو.. 
أحمد اااه.. طيب أنا عرفت انك أنتي اللي طلبتي الطلاق و كدا.. وو
ليلي بمقاطعه عرفت انه كان متجوز عليا.. بس مش اكتر ولا اقل من كدا.. 
أحمد تمام.. ااه عاوزه تسأليني في حاجه تانيه يعني اي سؤال يخطر علي بالك خليكي تلقائية.. 
ليلي لا.. أنا معنديش اسئلة كتير الحقيقه.. 
أحمد تمام...
بصراحه هو انا مقدرتش افهمه اوي.. يعني كنت حابة اعرف عنه بس مكانش عندي سؤال معين اسأله ليه..خليت بابا يسأل عنه تاني و عن عيلته و أهله و صليت استخارة و حسيت اني مرتاحه ليه.. ف أخدت الخطوة...
عزة يلا ي ليلي المأذون خلاص هيوصل وانتي لسه ملبستيش.. 
ليلي بقولك اي هو أحمد جه! 
عزة أيوا كله برا.. انتي اللي متأخره.. 
ليلي خلاص ي ماما هخلص اهو..
لبست فستاني و خرجت كان قاعد جمب بابا و بيتكلم أول ما شافني ابتسم ليا و يلهووي اي دا في اي.. 
انا كنت مبسوطه اوي و مرتاحه بشكل كبير..و خلاص كدا من اللحظه دي اتجوزت!
أحمد مبروك عليا والله.. 
ليلي بإبتسامه مبروك..
بعد 8 سنين... 
ليلي حووور... انتي بت ي قليلة الأدب تعالي هنا.. 
أحمد هششششش... مين دي اللي قليله الأدب.. دا حور دي ملاك.. 
ليلي ملاك اااه.. ملاك زي ابوها.. الملاك بتاعتك شدت شعر جنة بنت أختي عشان بيتخانقوا علي ابن ندي.. 
أحمد پصدمه ابن ندي دا االي هو ابن مالك.. 
ليلي مهو مالك متجوز ندي ف اكيد ابنهم هما الاتنين.. 
أحمد پصدمه بنتي انا بتتخانق عشان واحد... عشت وشوفت اليوم دا ي أحمد.. 
ليلي اتفضل بقي ربي الملاك بتاعتك.. 
أحمد بضيق م أنا قولتلك متوديهمش هناك لما يكون ولاد مالك هناك انتي عارفه اني مبحبوش.. 
ليلي دول عيال ي أحمد و بيلعبوا مع بعض.. 
أحمد بهزر معاكي ي بنتي.. انا هتكلم مع حور و اعتذرنا ي ستي من جنة.. 
ليلي بجد والله ي احمد البنت صعبه أوي.. أخوها أعقل منها.. 
أحمد هو سنها بس عندها نشاط.. نستحملها بنتنا بردو... 
ليلي طيب... 
أحمد استني المعمل بعت تحاليل الأنيميا بتاعتنا احنا والعيال... 
ليلي اكيد عمر عنده انيميا.. 
أحمد پصدمه ااي دا.. 
ليلي اي!! 
أحمد ليلي أنتي حامل.. 
ليلي پصدمه ااااااي!!!!! 
أحمد بضحك انتي حامل.. انا هبقي اب تاني.. 
ليلي پصدمه قصدك تالت...هو انا قادرة علي اتنين دا انا هروح مستشفي المجانين قريب... 
أحمد بضحك حد يزعل كدا بردو عشان هيجيلوا نونو قريب... 
ليلي مهو لو أنت بتحمل و تولد و تربي مش هتقول كدا.. 
أحمد بضحك هتعترضي يعني علي أمر ربنا.. ياتي يخراشي علي ام العيال.. 
ليلي ام العيال!!! اراهن أنك مسميني ع التليفون الحكومه ولا الجماعه.. وريني تليفونك كدا وريني.. 
أحمد اتفضلي... 
ليلي ب خجل رفيقة القلب والروح.. 
أحمد بحبك والله حتي وأنتي لاسعه كدا.. 
ليلي أنا لاسعه!! 
أحمد ي لهووووووووي...
تمت... 
ي رب يكون عجبكم بجد ...