قصه كامله مشوقه ميان

بريحك وهيا قالت انك مش مرتاح معاها انا عارف انك مكنتش عايز تطلقها من بدري عشان متزعلنيش بس انا عمك مهما كان وانت ابن اخويا وكل الي بينا زي ما هو 
_كلام ايه دا ياعمي لو زي ما ميان بتقول مش مرتاح معاه كنت طلقتها انما انا باقي عليها بلغها الكلام دا ياعمي ارجوك 
حاضر يابني 
ومشيت وطلعت شقه اهلي بس اتفاجات بسلوي قودامي 
_سلوي 
أدم سامحني يا أدم عشان خاطري انا غلط لما سبتك انا راجعه وهصلح كل حاجه سامحني يا أدم 
_راجعه دلوقتي بعد ايه خلاص يا سلوي احنا كل الي بينا منتهي من زمان 

لا يا أدم لسه منتهاش انت هتطلق مراتك ونرجع لبعض ونبدء من جديد 
_اطلق مراتي الي صايناني وبتحبني وارجع لوحده خانتني صح 
دا ربنا بيسامح يا أدم انت مش هتسامح 
_انا مش ربنا عشان اسامح واحمدي ربك اني مفضحتكيش وسط اهلي واهلك انا ابويا لو كان عرف حاجه زي دي كان زمانك مش موجوده معانا انا لحد دلوقتي ساكت وموطي صوتي اكتر من كده فضيحتك هتكون في الشارع كلو مش اهلي بس اطلعي بره وانسيني زي ما نستيني قبل كده
_عايز ايه يا مراد 
انا جتلك انهارده وربنا يعلم ان أدم ميعرفش حتي اني جي 
_متفرقش خلاص وانت لو جي عشان تصلح بينا تبقا غلطان الموضوع خلص بالنسبالي
لا ياميان لسه مخلصش وانتي عارفه دا كويس سلوي جت امبارح لأدم 
_رجعلها 
دا طردها بره البيت بعد ما هزقها وقالها انه مش هيطلقك ويتنازل عنك 
_بتكدب عليا صح 
ولله لا ولو مش مصدقاني اطلعي أسألي ماما برضو قلها نفس الكلام انه عنده ېموت ولا يطلقك ادم بيحبك يا ميان 
_قال قودامك انه عايز يطلقني 
لانه مكنش يعرف ادم معرفش انه بيحبك غير لما بعدتي عنه ارجعيله ولله بيحبك
_اهلا يا ادم ازيك يابني 
الحمد لله ياعمي ارجوك قول لميان اني جيت وقولها اني بترجاها تخرج المره دي عشان انا فعلا تعبت 
_لا هيا مستنياك اصلا 
مستنياني غريبه ربنا يستر 
دخلت الصالون وميان دخلت علي طول من غير مناهده ولا تعب 
ميان ارجوكي المره دي اسمعيني للأخر وبعد كده احكمي 
_اتفضل 
انا لما قولت كده لمراد كنت اقصد اني خاېف اجرحك انا كنت خاېف عليكي عشان كده كنت عايز اطلقك كنت حاسس اني بظلمك معايا ومفيش اي حاجه غلط بتعمليها معايا عشان اقول انك تستاهلي انتي كنتي نعم الزوجه ونعم الصديقه والاخت والصاحبه وكل حاجه لما اتجوزتك كانت فتره كمال في حياتي لأول مره احس اني كامل فيها اول مره احس اني مش ناقصني حاجه انتي فهمتيني غلط انا كنت خاېف عليكي 
_خايف عليا تبعدني عنك يا أدم 
انا غبي اعترف بدا بس ارجوكي مفيش اي حاجه بينا تغفرلي غبائي 
_مش عارفه اقولك ايه 
قوليلي انك مسمحاني 
_انت سامحني الأول 
اسامحك ليه 
_في حاجه حصلت في غيابك 
ايه اتكلمي 
_انا روحت كشفت من اسبوعين ٣ واكتشفت اني اني حامل 
لقيته قام نط من مكانه توقعت انه هيزعق وتخيلت بابا وهو بيحوش بينا وبيسلكني منه وفقت من افكارني لقيته شايلني ومقربني اوي منه
يعني انا هبقا بابا 
_اه 
في طفل جي هيشيل اسمي 
_اه 
متاكده ان في جوه بطنك طفل 
_اه مظنش اني احمل في خرفان 
يارخمه قطعتي اللحظه 
_انا لو كنت اعرف انك هتتصدم كده مكنتش قولتلك 
حامل في الشهر الكام 
_التاني 
بجد يعني بعد 7 شهور هيبقي في نونو مشرف في بيتنا 
_اه مين قالك اصلا اني هوافق ارجع معاك
نااااعم لا يا حببتي خلاص طلما ضحكتي يبقا الخڼاقه باظت 
_الخناقه باظت 
بحبك 
_ايه قولها تاني كده
بحبك يا ميان بحبك و مقدرش اعيش من غيرك ارجعيلي 
_بحبك يا ادم بحبك اووي
انت قدري الجميل الذي أنتظرته طويلا وظفرت به الأن
مي مالك Mai Malek