احببت مختلا الفصل 3
انت في الصفحة 1 من صفحتين
البارت التالت
_ها يسيدي هتلبس أي بكرة وانت رايح الشركة؟
° هو وافق؟
_اكيد طبعا ، وبمرتب كبير كمان
*متيلا بقي يبيبي!
_صوت مين دي يعبدالله؟
° ديي ، دييي بنت خالتي
_بنت خالتك في اوضتك الساعه عشرة بليل!
° اه مهو خالتي هتبات عندنا كام يوم ، واحنا اكتر من الاخوات ، في أي يمريم مالك!
_اكيد واثقه فيك ، بس طلعها من الاوضه مش لازم تقعد معاك في نفس الأوضه ، واه مش لازم بردو تقولك يبيبي
ضحك ° حاضر ، المهم دلوقتي هو وافق بجد ؟
_اه والله ، روحله الشركة بكرة وهتتعين علي طول ، هو قالي يعتبر نفسه شغال خلاص في الشركة
° حبيبتي ربنا يخليكي ليا ، مش عارف من غيرك كنت هعمل اييي
° طب هقفل دلوقتي بقي عشان ألحق انام ، تصبحي علي خير يحبيبتي
_وانت من أهل الخير
قفلت وانا مضايقه ، حاسه إن فيه شئ غريب! ، الباب خبط ف فتحته
_ايوة يا احمد في حاجه ؟
=مش جايلي نوم
_طب استني اجي اديك الدوا قبل ما انسي
دخلت اوضته وطلعت الدوا من الدرج
=ريحته قالبه الاوضه
_عشان تبقي كويس
=لي هو انا عيان؟
_أرحم امي العيانة واشرب
_ملاهي بكرة ها ، وقولت لباباك ووافق ، ف لو مخدتوش ممكن..
خده من أيدي =مخدوش لييي؟ دا حتي طعمه حلو
شربه ووشه كرمش ف ضحكت
_اعملك عصير يضيع طعمه؟
=فيه عصير في التلاجة دييي
=خلاص خليكي قاعدة معايا هنا
_انا مبحبش التلاجات اصلا يمعلم
=هو انتي عندك كام سنه يمريم؟
_٢٣
=كتير اوييي
_اي اموت ولا اييي؟
=لاء لاء خليكي مسلياني
_الله يكرمك
=نتفرج علي التليفزيون ؟
_متنام احسن
=مش جايلي نوم والله ، نتفرج سوا وهنام بعدها
فتح التليفزيون وقعد جمبي ، كان فيلم رومانسي ، البطل قرب من البطلة ف لقيته قرب مني
_انت بتقرب لييي يا احمد؟
=تعالي نمثل زيهم
_لاء دا فيلم مش حلو اصلا ، استني اقلب
شد مني الريموت وقرب كمان
البطل قال للبطلة أنها حلوة اوييي
=انتي حلوة اوييي
كان بيبصلي في عنيا ، كانت عنيه بريئه ، عمري ما شوفت عينين حلوة كده!
