ليه يازمن الفصل 20
دي الحمد لله إني اتجوزت طارق لازم أتحجب زي مسك. آه طارق بيحب الست المحجبة لازم أصلي زي ما علمني وائل أنا لازم أنسى الماضي كله وابتدي من جديد.
طارق في العربية اتصل بيه أدهم الشرقاوي....
طارق ألو!
أدهم
عملت إيه
طارق
اتنيلت وكتبت عليها لحد ما نشوف آخرتها.
أدهم
قولتلك أخذ الحق صنعة. أي غلطة مش عايزينها وعقابك ليها إنها تكون جنبك ومش طيلاك حاول تسجلها تاخذ منها معلومات تراقبها على الأقل تضمن إن زهرة تفضل عايشة إحنا في فترة حرجة لحد ما تتحدد جلسة الاستئناف.
فاهم ربنا يصبرني بجد يا أدهم بيه مش قادر أستحملها لحظة واحدة.
أدهم
فاهمك والله وبعدين إيه أدهم بيه دي شيل كل الرسميات بينا النهاردة مراتي هاتروح زيارة عند زهرة وهتبلغها بكل حاجة.
طارق
بس سؤال علي مختفي لحد دلوقتي إزاي بعت الست دي علشان ټقتل زهرة
أدهم
وممكن مش هو ممكن يكون قالوا اسمه بس علشان زهرة تكرهه اكتر.
إحنا في صندوق مليان ألغاز لازم صبر وذكاء وسرعة بديهة علشان نعرف نتصرف وعلشان نظهر الحق وكمان ده حق البلد دي علينا الناس دي لازم تختفي من الوجود لازم تظهر حقيقتهم للناس علشان نعرف نعيش. ركز في هدفك علشان توصل أسيبك دلوقتي.
زهرة كانت قاعدة بټعيط لحد ما جات هدى...
هدى
تعالي معايا أخدت ليكي إذن تروحي المستشفى تزوري عنايات.
بجد
هدى
آه والله تعالي هنطلع دلوقتي وبعدين عندك زيارة الست مليكه هتيجي عندك.
راحت معاها على المستشفى بعد ما أدهم وطارق أتصرفوا وجابوا ليها الإذن.
في الاسكندريه
عبد الرحمن كان قاعد في كافيه مع فاتن خطيبته.
عبد الرحمن
بجد أنا آسف مش عارف أتصرف.
فاتن
بصراحة أنا بحاول أتقرب من أختك بس هي مش مدياني فرصة.
عارف والله دلوقتي إيه الحل
فاتن
الحل إنك تكلم أختك مليكه بص سهى بتعمل كل ده علشان تعيش في القصر مهما لاقيتوا حلول هي هترفض وبعدين إحنا معندناش إمكانيات نأجر شقة ونفرشها لا مرتبي ولا مرتبك يسمحوا بكده حتى لو أختك حاولت تساعدنا صعب وكمان سهى هتألف مليون قصة علشان تروح عند مليكه بس لو مليكه رفضت سهى تقتنع بقى إنه مافيش حل.
أنا مابقتش طايق أعيش معاها من كتر المشاكل اللي بتعملها سهى عايزة تعيش مستوى غير مستوانا.
فاتن
عارفة هي أصلا بتكلمني من طرف مناخيرها وأنا بجد بقيت أضايق منها.
عبد الرحمن
خلاص هي النهارده هتيجي عندنا علشان مريم.
فاتن
كويس أنا لازم أمشي علشان ما أتأخرش على البيت.
في المستشفى...
زهرة كانت بټعيط أوي أوي..
ما كفاية عياط أنا مش مستحملة.
زهرة
أنا بجد آسفة.
عنايات
عمر الشقي باقي. الحمد لله جات سليمة.
زهرة
هسألك تاني ليه عملت كده
عنايات
بصي المحامي بتاعك وصاني عليكي وأدى فلوس لجوز بنتي وأنا والله حبيتك وشايفة فيكي بنتي ما عملتش ده علشان الفلوس بس والله ما حسيتش بنفسي إلا وأنا
