ليه يازمن الفصل 20

بأخذ الضړبة عنك.
زهرة
ربنا يخليكي ليا يا رب مش عارفة أقولك إيه.
عنايات 
أوعديني تخلي بالك من بناتي لو حصل لي حاجة الحمد لله هنا فيه توصية عليا الناس اللي معاك واصلة شوفتي أنا في غرفة خاصة ده مستشفى السچن كحيان بس اعتنوا بيا قوليلي بقى مقصوفة الرقبة دي عملوا معاها إيه
زهرة
ما أعرفش بس أخذوها بعيد لأنها كده خطړ.
عنايات 
الفلوس تعمل كثير دي واحدة شرانية بس في حالها يعني ما تجيش على حد بس لو حد قرب منها ما عندهاش ياما أرحميني.
زهرة 
الحمد لله إنت بخير كنت ھموت لو حصل ليكي حاجة.
عنايات
الدكتورة قالي أسبوع وأطلع من هنا يا رب بقولك أطلبي إننا نكون في عنبر واحد أنا وأنت باسمع على طول الستات الواصلة مرات وزير ولا مسؤول كبير بيكون لهم أوضة لوحدهم وحتى وقت الفسحة لوحدهم مش بيختلطوا مع حد.
زهرة 
ما أعرفش بس لو كده حلو جدا هبقى أقول للمحامي بتاعي.
الزيارة خلصت ورجعت زهرة السچن مليكه كانت في انتظارها في مكتب الضابط دخلت زهرة و مليكه راحت حضنتها.
مليكه 
عاملة إيه
زهرة
نحمد الله على كل حال.
مليكه
تعالي اقعدي فيه كلام كثير عايزة أقوله.
زهرة 
أولا عايزة أشكرك إنك وفيتي بكلمتك معايا ورجعتي زرتيني.
مليكه
شوفي ده قدر ربنا إني أعمل الزيارة اليوم ده واللي بالصدفة طلع المحامي بتاعك كان شغال مع جوزي وتقريبا نفس العصابة اللي دمرتني أنا وجوزي المهم إنت ما تشيليش هم في جلسة الاستئناف هيصدر الحكم الأخير وإن شاء الله براءة.
زهرة 
قوليلي هو بجد طارق مش هيفضل معايا كمحامي ولا يزورني
مليكه
أيوه بس ما تخافيش هو رسميا قدام الناس ما تنسيش قضيتك بقت رأي عام خاصة محاولة القټل اللي حصلت الجرائد والسوشيال ميديا مالهاش غير الموضوع ده.
وفيه برنامج جوزي دفع فيه إعلانات كتير علشان يعرض حلقة عنك ويسلط الضوء على القضية بتاعتك وهنا القاضي مالوش خيار غير إنه يحكم بالعدل وطارق ما ينفعش يزورك علشان الموضوع ده وما تنسيش هو كمان مش في أمان خاصة أمه وبنته جاله ټهديد أكثر من مرة.
زهرة 
كنت عارفة والله قلت له يشوف محامي تاني.
مليكه 
حصل بس أكيد متابع القضية زهرة إنت مش لوحدك إحنا كلنا معاك ورجالة عيلة الشرقاوي واقفة في ظهرك ما تشيليش هم عارفة إن السچن وحش بس نصبر وأنا هحاول أوفر ليكي حياة حلوة هنا.
زهرة 
ربنا يخليكي أنا معايا فلوس والله بس إنك تزوريني عندي بالدنيا كلها.
مليكه
عارفة إنه عندك مشاريعك آه وأنا كمان عندي محل ملابس وعندي مصنع يعني ممكن نكون شركاء أنا بجد حبيتك.
زهرة 
وأنا كمان والله طيب أنا عايزة أعمل خير فيه ستات هنا عايزة أساعدهم وفيه بنات الست عنايات اللي أخذت الضړبة عني عايزة أشغلهم وأساعدهم.
مليكه
وأنا كمان عايزة أعمل خير ونقسمه مع بعض المرة الجاية اكتبي أسامي
الناس والعناوين وأنا أتصرف بصي وعسى أن تكرهوا شيئا وهو خير لكم وعسى أن تحبوا شيئا وهو شړ لكم شوفي ربنا رحيم وكبير إزاي رزق الستات اللي هنا عن طريقك.
إنت في السچن بس يمكن مش شړ وخير ليكي ممكن كانوا عملوا حاجة فيكي ربنا رحيم بينا يا زهرة فكري إيجابي وربنا كبير وأنا والله مش هسيبك خالص.
جبت ليكي لبس كتير جلاليب بيضة وبناطيل وطرح وجبت كمية كبيرة للسجن المصنع بتاعي عملها خصيصا شفتي وجودك هنا فيه خير كبير وطارق هيسجل ليكي تعملي ثانوية عامة ادرسي وغيري من نفسك. على فكرة وأنا كمان ما كملتش دراسة وحاليا بدرس في الجامعة.
زهرة
هو أنا ينفع يعني أكمل تعليمي عادي
مليكه 
أيوه ينفع في أي وقت.
زهرة 
طيب فيه طلب لو سمحتي قولي لطارق عنايات قالتلي إنه ممكن نكون في عنبر أنا وهي بس بعيد عن المسجونات والله أنا خاېفة ومش بانام أخاف واحدة تق تلني بالليل.
مليكه
إزاي ما فكرناش في دا بعد اللي حصل أظن إنه ينفع بصي اعتبري الموضوع خلصان اخلي جوزي يعمل المستحيل علشان تاخدي عنبر لوحدك.
زهرة 
إنت طيبة أوي أوي.
مليكه 
إنت كمان طيبة وربنا حط الناس الطيبة في طريقك شوفي عنايات دي خاطرت بنفسها علشانك.
زهرة
الحمد لله يا رب أقدر أعوضها شوية.
مليكه 
آه نسيت حاجة مهمة الفترة دي طارق مش حيجي السچن بس هيبعت ليكي رسائل عن طريق هدى وكمان هو اتجوز بنت خالته.
زهرة
نعم! قولتي إيه
مليكه 
مالك اهدى قولتلك اتجوز بنت خالته وأنا جايه عندك جوزي قالي الكلام ده.
زهرة فضلت ساكتة وكانت هتعيط...
مليكه
هو إنت بتحبيه
ياريت تفاعل اكثر من كده 
أيه رأيكم زهره بتحب طارق